Urteroko ohitura bihurtu da Tolosako ikasleek, Tolosako Udalak eta Tolosako Ingurumen Zentroak landutako hau. Urtetik urtera, proiektuaren ardura ikastetxe batek hartzen du. Esaterako, duela bi urte Samaniegoko ikasleek burutu zuten Santa Luziako landaketa eta iaz, Laskorainekoen txanda izan zen Usabal industria gunean.
Landaketaz gain, TIZeko kideek landarediaren garrantziaz ohartzeko ardura izaten dute. Honela, gaurkoan Elosegi parkearen biodibertsitatea azpimarratzeko eguna izan da; Tolosako birika gisa definitu du Patxi Amantegi, Ingurumen zinegotziak Elosegi parkea.
Ateak zabaltzeko bidean
Parkea eraberritze prozesuan murgilduta egonik Tolosako Udalak hurrengo aktuazioen berri ere eman du gaurkoan: "Berreskuratzen bide horretan, aurten Elosegiko behatokia eraberrituko du Tolosako Udalak. Behin lanak gauzatuta, parkea publikoari zabaltzea aztertuko da serioski".