Adunatik abiatu dira 10:00etan 23 urte azpikoen eta elite mailako txirrindulariak, Espainiako Kopako bigarren lasterketa egiteko. 28 taldek hartu dute parte eta 196 lagun ibili dira Aiztondo bailarako errepideetan. Lehenik Ordiziarako itzulia egin dute, eta itzuleran, Alkiza igo ondoren, Aiztondon lau itzuli eman dituzte.
Villabonako kale nagusian jarri dute aurten helmuga eta Caja Ruraleko Gonzalo Serranok zeharkatu du lehendabizi 3:37:32ko denborarekin. Espainiako Kopako lehendabiziko lasterketa ere berak irabazi zuen eta hau bigarrena zenez, lider jarraitzen du. Segundoko alderik atera gabe helmugaratu da Antonio Jesus Soto, azken metroetan egindako esprintaren ostean; eta 40 segundo gehiago behar izan ditu Jaume Suredak helmugaratzeko. Taldeko saria Caja Ruralentzat izan da.