Biharko bilera dela eta Landarlan ingurumen elkarteak orain gutxi elkarrizketa eta eztabaidarako egindako deia berretsi du. Landarlanek Goroskintxuko eta Saltarriko pista proiektuak bertan behera uzteko, pista berriak onartu aurretik Ekintzen Egitasmoa berrikustea, mankomunitateko informazio guztia webgunean jartzea eta mankomunitateko lan batzordea desegitea eskatzen du. «Ez dugu erantzunik jaso gure eskaerei, ez eta oraindik ere bukatuta dagoen Goroskintxuko pistaren ingurumen jarraipenerako programa ere. Berriro diogu, elkarrizketa eta eztabaidara zabalik gaudela, Aralarren interesak dituzten guztiekin. Eta edozein erabaki hartu aurretik, herritarroi informazioa zabaldu eta parte hartzeko bideak mankomunitateak ireki behar dituela», esan dute.
Horiek horrela, biharko bilera aitzakia hartuta elkarretaratzea egingo du Aralar Bizirikekin batera 19:00etatik aurrera, Ordiziako udaletxearen aurrean. Era berean, abian duten informazio kanpainaren barruan informazio bilera bat egingo dute ostegunean, 19:00etatik aurrera, Tolosako Bidaiarien Txokoan.