Abeltzaintza eta nekazaritzak sektoreak sustatutako eta EAJk, PSE-EEk eta PPk aurkeztutako mozioa eztabaidatuko dute asteazkenean Gipuzkoako Batzar Nagusietan. Bi sindikatuek mozio hori babesteko deia egin diete EH Bildu eta Podemos alderdi politikoei.
Sindikatu horiek "kezkatuta" daude Aralarko azpiegiturek eragindako egoerarekin, "mendiko abeltzaintzaren onura ekologikoak eta biodibertsitateari egindako ekarpena behin eta berriro aitortzen denean".
"Etorkizunean ere artzainak eta abeltzainak gure mendietan izan nahi baditugu, ezinbestekoa da gutxieneko azpiegiturak eta baliabideak eskaintzea", gehitu dute prentsa oharrean.