Tolosaldean pisu handia du grafikagintza sektoreak eta besteak beste, gaur SAM, Borobil edota Cicarsa bezalako enpresek ateak itxi dituzte.
Grafikagintzako hitzarmenaren negoziaketan dagoen blokeoaren aurrean mobilizatzeko beharra ikusi dute langileek. "Hilabeteak pasa dira negoziaketei hasiera eman zitzaienetik. Bilera ugari egin dira, baina Adegik ez du langileen egoera hobetzeko proposamenik mahaigaineratu, alderantziz herrialdeko hitzarmena bere horretan mantentzea du helburu", esan du Laida Zubillaga LABeko ordezkariak.
Negoziazio mahaira eraman diren plataformetan soldatak igotzeaz gain langileek hitzarmen erreformetatik babestea eta azpikontratazioari mugak jartzea jasotzen da besteak beste. "Aldarrikapen guzti hauei bizkar eman dien patronalak", sindikatuen ustez eta horregatik erabaki dute mobilizazioetara joatea.