Lehian zortzi biltzaile aritu ziren. 50 lokotx bildu behar zituzten. Frontoiaren neurria medio, azken sei lokotxak elkarren ondoan jarri zituzten federazioko kideek.
Gizonezkoetan hiru txandatan banatu zituzten parte hartzaileak. Jon Goikoetxea Boli ibartarra lehenengoan atera zen. 7 minutu eta 5 segundoko denborarekin bigarren amaitu zuen. Saio borobila egin zuen Boli-k, azken unean egindako kale bakarrarekin. Eneko Garmendia baliarraindarra bigarren txandan atera zen, eta hirugarren amaitu zuen, 6 minutu eta 52 segundorekin. Garmendiak lau kale egin zituen, eta denborak ihes egin zion.
Txapelduna Fernando Etxegarai izan zen, 6:05eko denborarekin.
SAILKAPENA
1. Fernando Etxegarai 6:05
2. Aritz Ruiz 6:25
3. Unai Iantzi 6:31
4. Michel Guiçou 6:44
5. Eneko Garmendia 6:52
6. Aritz Martin 6:52
7. Jon Goikoetxea Boli 7:05
8. Guillermo Lopez 7:15
9. Sendoa Larrea 7:22