Aurtengo edizioan, 1.295 dortsal banatuko dituzte hiru probetan: 515 Ehunmilak proban, 515 Goierriko 2 Haundiak proban eta 265 Marimurumendi maratoian.
Izen ematea lasterketaren webgune ofizialean soilik egin ahal izango dute parte-hartzaileek. Izen ematearen prezioa igo egin da "korrikalariei eskaintzen zaizkien zerbitzuak optimizatzeko", antolakuntzako kideek adierazi dutenez.
Izen-emate data |
Ehunmilak |
g2h |
mmm* |
2016/11/03tik 2017/02/09ra |
137 € |
85 € |
42 € |
2017/02/10etik 2017/04/06ra |
152 € |
100 € |
47 € |
2017/04/07tik 2017/06/07ra |
172 € |
*mmm-ren kasuan, txip horia daukanak inskripzioa 2 euro gutxiago ordainduko du.
Horretaz gain, derrigorrezkoa da antolakuntzan ezarritako mediku agiriaren eredua beteta birbidaltzea, baita "atseden egoeran" egindako elektrokardiograma ere, ondorengo taulan ikusten diren epeen barruan. Gainera, aldaketak egin dituzte araudian.
Izen-emate data |
Mediku agiria eta elektrokardiograma entregatzeko epe muga |
2016/11/03tik 2017/02/09ra |
2017/02/09 |
2017/02/10etik 2017/04/06ra |
2017/04/06 |
2017/04/07tik 2017/06/07ra |
2017/06/07 |
'Ehunmilak', proba gogorrenen artean
'Ehunmilak' probak zerra profila du: 168 kilometroko ibilbidea dauka eta 11.000 metroko desnibel positiboa dauka. Banaka edo hiru kideko taldeetan egin daiteke. "Goierriko 2 haundiak" probak, berriz, 88 kilometro ditu eta 6.000 metroko desnibel positiboa. 'Marimurumendi' mendi maratoiaren ibilbidea oso azkarra da, baina oso gogorra: 42 kilometroko distantzia dauka, eta 2.300 metroko desnibela.
Antolakuntzako kideek azpimarratu dutenez, 1.500 bolondres baino gehiago arituko dira lanean lasterketan, eta babestutako bi parke natural -Aralar eta Aizkorri Aratz- gurutzatzen dituen lasterketa bakarrenetarikoa da.
Informazio gehiago dago webgunean eta Facebook eta Twitter kontuetan. Harremanetan jartzeko, ehunmilakultratrail@gmail.com helbidera idatzi edo 676180690 telefono zenbakira dei dezakete herritarrek.