"Komertzialak bezeroaren egungo hornitzailea gehiegi kobratzen ari zaiela esanez hasten dira, eta kexa kopuru jakin bat jasotzeak Kontsumo Bulegoa etxez etxe pasatzea justifikatzen duela. Kontsumo Bulegoaren izenean jardutean konfidantza sortzen dute kontsumitzaileengan", esan dute Kontsumo Bulegotik.
Honela, Tolosaldeko Kontsumitzailearen Informaziorako udal bulegoak ohartarazi nahi izan du "komertzial hauek iruzurra egiten ari direla eta Kontsumo bulegoak ez duela zerikusirik bisita horiekin". Iruzurra egitea lortu duten kasuetan nola jokatu ere argitu dute kontsumitzaileen bulegotik: "Inork baldintza hauetan kontraturen bat sinatu badu, jakin beza, legez 14 eguneko epea daukala kontratu horri uko egiteko. Kontratu hori atzera botatzeko, konpainiaren helbidera “documento de desisitimiento” edo atzera egiteko dokumentua beteta bidali behar du posta zertifikatuz, beti dokumentu horren eta Correosen ziurtagiriaren kopia bat ondo gordez”.