Odol emaileak Urnietako Oianume sagardotegian bildu ziren igandean. Dominak banatzeaz gain, bazkaria egin zuten ospakizuna borobiltzeko.
Domina eta diplomak banatu dizkiete 25, 40, 50, 60 eta 70 aldiz eman duten emaileei. Hain zuzen, 121 domina banatu dituzte aurten. Odol emaileen elkartearentzat hitzordu garrantzitsua da; izan ere, eskerrak ematen dizkiete elkartearentzat "ezinbestekoak" diren odol emaileei.
"Odol emateak beharrezkoak dira pertsona askoren osasunerako. Edonork izan lezake beharra, baita gutxien espero duenak ere", adierazi dute elkarteko kideek. Horregatik, dei egin diete herritarrei odola eman dezaten.
