Gazteen batzar zabala eta parrila jatea, Ibarran
Gazte Festak eta Gazte Egunak izandako arrakasta ikusita, Ibarrako Gazte Asanbladako kideek dei egin diete jai horien antolakuntzan laguntzen egon zirenei ostiraleko batzarrean parte hartzeko.
Ostiralean, urriak 7, batzar zabala egingo dute 18:00etan. Ondoren, parrila jatea egingo dute; gaztetxean eman behar da izena eta 5 euro ordaindu.
Mikromatxismoen inguruko tailerra eta mozorro gaua, Onddoren eskutik
Onddo Gazte Asanbladako kideek aurreko astean ekin zieten asanbladei eta "herriari bizitasun pixka bat emateko asmotan" hainbat ekimen antolatu dituzte.
Larunbat goizean, urriak 8, mikromatxismoari buruzko tailerra egingo dute gaztetxean, 11:00etan. 17:00etan, kedada egingo dute gaztetxean eta 21:00etan zahagiardoa antolatu dute. Gauean, mozorro gaua izango da: "sorpresaz beteriko gaua" izango dela hitz eman dute gazte asanbladako kideek, eta DJ Gatxete ardutatuko da giroa jartzeaz.
Anoetan, hausnarketa-txokoa
Anoeta Gazte Asanbladako kideek hausnarketa txokoa jarri dute martxan ikasturte honetan. Ekimen horren helburua da hainbat gairen inguruko hausnarketa saioak eta formakuntza-saioak antolatzea ikasturtean zehar.
Ostiral honetan, urriak 7, gaztetxearen inguruko funtzionamenduaren inguruan hausnartuko dute; 17:00etan hasiko da batzarra.