Milioi batetik gora zor duten 237 zergapeko identifikatu dituzte Arabako, Bizkaiko eta Gipuzkoako Foru Aldundiek. Tolosaldeari erreparatuta, lau enpresa ageri dira zerrenda horretan: Emusi SA (Irura), Gorostidi SA (Tolosa), Kortakua SL (Asteasu/Zizurkil) eta Papelera del Araxes SA (Tolosa).
Gipuzkoako ogasunak 62 izeneko zerrenda argitaratu du eta bertan ageri dira eskualdeko enpresak: Emusi SAk guztira 2.781.183,38 euroko zor-zigorra duena; Gorostidi SAk 1.752.320,34 eurokoa, Kortakua SLk 1.401.655,22koa eta Papelera del Araxes SAk 5.928.685,79 eurokoa.
Guztira beraz, eskualdeko enpresek 11.853.844,7 euroko zorra osatzen dute.
Zerrenda hori osatzen duten enpresa eta norbanakoen izenak hiru hilabetez izango dira publiko eta ondoren webguneetatik ezabatuko dituzte.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!