A1-A2 maila dutenentzako ikastaroa eskainiko dute Anoetako liburutegian, 9:15etatik 11:15etara, astean hiru egunez. B1 maila duten herritarrek, berriz, Irurako Kultur Etxean izango dute aukera, 9:30etatik 11:30etara, astean hiru egunez. Bi ikastaro horien prezioa 350 eurokoa da.
Hasierako maila dutenentzat ikastaro berezia antolatu dute; oraindik ez dituzte tokia eta ordutegia zehaztu. Ikastaro horren prezioa 60 euro da. Ikastaroetan izena emateko aukera dago Anoetako edo Irurako udaletxeetan, irailaren 26ra arte.
Udalek jakinarazi dutenez, diru-laguntzak ematen dituzte euskara ikasteko. Informazio gehiago nahi izanez gero, udaletxera joan daitezke herritarrak.