Atzokoan ez zen espero bezalako ikuskizunik egon Donostiako Atano frontoian. Huts askoko partida ikusi zen eta pilota gutxien galdu zuen bikotea atera zen garaile. Bi aurrelariak ondo hasi ziren beraien lanak egiten eta tantoak bukatzen. Gero ordea, bikote urdinak hemeretzi pilota galdu zituen, Artolak hamar eta Albisuk bederatzi.
Altunak min hartu zuen ezker besoan joan den astean eta atzo itzuli zen kantxetara. Iñaki Artolak berriz, denbora asko zeraman jokatu gabe, ez baitu udaran jokatzeko aukera askorik izan. Altuna eta Zabaleta bikoteak, Olaizola eta Beroiz izango dituzte parez-pare finalean.
Partidak, 435 pilotakada izan zituen eta 58 minutu inguru luzatu zen partida. Donostiako jendearen erantzuna ona izan zen 400 ikusle inguru elkartuz.