Azkenaldian ez dute elkarren aurka jokatu Jokin Altuna eta Iñaki Artolak. Gaur, Donostiako torneoko finalerdia jokatuko dute; amezketarrak Zabaleta izango du lagun, eta alegiarrak Albisu.
Jaialdia 22:00etan hasiko da, eta bigarren partida jokatuko dute Altuna eta Artolak. Gainera, ez da nolanahiko norgehiagoka izango, Donostiako torneoko finalean sartzeko txartela egongo baita jokoan.
Jokin Altunak min hartu zuen joan den astean, eta kantxetatik at egon behar izan du azken egunotan. Ordea, gaur lehiatzeko moduan izango da amezketarra. Iñaki Artola ez dabil asko jokatzen uda garaian, eta bere sasoiaren berri emateko balioko du gaurkoak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!