Ramadanaren amaierako festa izan dute gaur musulmanek. Hala, Tolosako Larramendi auzoan kokaturiko mezkita berrian elkartu dira eskualdeko musulmanak festaren amaiera elkarrekin ospatzeko.
200 herritar inguru elkartu dira bertan, gaztetxoetatik helduetara, eta goizeko errezoa egin ostean, elkarri zoriondu, eta jatekoa eta edatekoa zuten zain mezkitan bertan. Ramadanaren azken eguna urteko berezienetakoa da musulmanentzat, eta horren adierazle, euren jantzi tradizionalak soinean zituztela joan dira gehienak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?