Argazkiarekin batera adierazi beharko dira:
- Egilearen izen-abizenak.
- Harremanetarako telefonoa eta e-mail-a.
- Atarikidea bada, bere harpide zenbakia izenarekin batera jarri.
- Argazkiaren azalpena: Non eta noiz aterata dagoen, argazkiko gaiak iradokitako esaldiren bat ere idatz daitezke.
Argazkiaren ezaugarriak:
- 300ppp-ko bereizmena.
- 30x20 zentimetroko gutxieneko tamaina.
- Koloretan zein txuri-beltzean izan daitezke, beti ere tratatu gabeak.
- 2016ko udako argazkiak izan beharko dira.
Argazkiak bidaltzeko epea: uztailaren 18tik irailaren 18ra (biak barne).
Argazkiak ataria.info webgunean lehiaketarako egindako formularioaren bidez bidaliko dira eta ataria.info-ko argazki galeria batean egongo dira ikusgai.
Tolosaldean bizi diren edo eskualdearekin lotura dutenek bakarrik parte-hartu dezakete, bidaltzailea izan beharko da argazki horren jabea eta beste inon argitaratu gabeak izan beharko dira.
Bozketa:
- Ataria.info bidezko bozketa irailaren 19n hasiko da, argazki guztiak jasota daudenean; eta urriaren 2a bitarte egongo da bozkatzeko aukera.
Bi sari nagusi eta beste bi zozketa egongo dira:
- Epaimahaiaren saria, Opari Bonu Orlegia, bi pertsonarentzako bi gaueko egonaldia: logela eta gosariarekin, edo apartamentuan NEKATUR Nekazalturismo Elkartearen eskutik.
- ataria.info-ko erabiltzaileen saria, lau pertsonarentzako otordu bat Hernialdeko Elketa jatetxean.
- Horretaz gain, parte-hartzen duten Atarikideen artean, Aralar Kirola-ek emandako bi opari zozkatuko dira.
Argazki irabazleak eta hauen egileak urriaren 7an jakinaraziko ditugu Ataria astekarian, Ataria Irratian eta ataria.info webgunean.
Argazkiak ATARIA-ko artxiboan gordeko dira eta antolatzaileak beretzat gordeko du jasotako lanak publikatzeko eskubidea. Lehiaketa honetako parte-hartzaileak, bidalitako lanen jabe den neurrian, lanak erabiltzen eta jendeaurrean erreproduzitzen uzten dio ATARIA-ri, euskarri inprimatuan edo interneten, betiere, egilearen izena adieraziz.