18-30 urte bitarteko gazteei bideratutako auzolandegia da; gazteak auzolanaren dinamikara hurbiltzea eta Euskal Herriko oroimen historikoa berreskuratzea helburu dituelako. Horrez gain, euskara hutsean izango dela aipatu beharra dago.
Uztailaren 11tik 23ra bitartean egingo da Asteasun, Adunan eta Zizurkilen. Lehenengo erresistentziaren gune izan ziren hain zuzen ere Tolosaldeko hiru herri horietako gatazka guneak Gerra Zibilean. Auzolandegi honetan, mendi aldean gelditzen diren trintxerak eta aztarnak garbitu eta arkeologikoki dokumentatuko dira. Hitzaldiak, bisita gidatuak eta beste hainbat ekimen egongo dira.
Ekainaren 26ra arteko epea dago izen emateko. 19 gaztek hartu ahal izango dute parte auzolandegian eta izen emateko, hbravo@aranzadi.eus helbidera idatzi beharko da. 150 euroko prezioa du auzolandegiak eta egonaldi guztiko mantenua, loa eta otorduak sartzen dira.