Ospakizunen aurretik, asteazkenean, Zizurkilgo Atxulondo kultur etxean, Arizmendi ikastolako zuzendari, Joseba Iñaki Etxezarretak emango du Konfiantzaren Pedagogiari buruzko hitzaldia. Datorren ikasturtean, Zizurkilgo ikastolan jarriko dute martxan eredu hau.
Hitzaldiaren aurretik hitz egin du Ataria irratian, Joseba Iñaki Etxezarretak:
Ostegunean, 18:30an, Zubimusu ikastolan 25 urtetik gora daramatzaten irakasleak omenduko dituzte. Ondoren, Zubimusu kooperatibako ordezkaritza batek, Ikastolen Elkarteko kideek, Udaleko ordezkariek eta ikastolako zuzendariek hartuko dute hitza. Ekitaldia bukatzeko, 19:30ean, luntxa izango da Batean enpresaren eskutik.
Ostiralean kirol ekitaldiekin eta larunbatean Ikastolaren Egunarekin amaituko dituzte ospakizunak Zubimusu ikastolako kideek.
Nerea Zumeaga ikastolako gerenteak eta Ana Santamaria zuzendari pedagogikoak hitz egin dute egunotarako antolatu dituzten ekimenen inguruan.