Asteasu, Bidania-Goiatz, Errezil, Aia, Albiztur, Hernialde, Alkiza eta Larraul artean antolatzen dute Erniopeko Mendi Ibilaldia. Erniozaleak kultur elkarteak antolatzen du urtero eta maiatzaren 15ean X. edizioa ospatu zuten.
Antolatzaileek eskerrak eman nahi izan dizkie Asteasun hasi eta bukatu zen mendi martxan boluntario lanean jardun zuten guztiei. "Zuei esker, egun berezi hau ospatzeko aukera izan genuen denon artean".
Erniozaleak kultur elkarteak, Bengoa familiaren kasua aipatu du bereziki. "Aitona Demetriok 78 urte, alaba Anak 53 urte, Migel semeak 47 urte eta iloba Iñigok 14 urte dituzte eta denek lortu zuten ibilaldi luzea egitea. Bejondiela".