Datorren asteburuan, etxetik kanpo egingo dute debuta Altzok eta Adunak, Donostian eta Lezon, hurrenez hurren. Altzok aurrez pala modalitatean parte hartu bazuen ere, aurtengoa izango da eskuzkoan parte hartzen duen lehen aldia.
Bidania-Goiatzek hamargarren aldiz parte hartuko du, eta hauek ere kanpoan jokatuko dute lehen partida: Usurbilen. Asteasuarrek, berriz, etxean ekingo diote txapelketari. Zestoa izango dute aurkari lehen fase honetan.
Maiatzaren 22tik aurrera jokatuko dituzte final zortzirenetako partidak, eta fase horretan sartuko dira lehian gainerako bi herriak. Zizurkilek hamargarren parte hartzea izango du, eta Tolosak, berriz, 34 urte daramatza lehian. Pasa den urtean, gainera, finalera heldu ziren tolosarrak, nahiz eta ondoren Azpeitiaren aurka hiru partidak galdu zituzten.