Aspaldidanik jarria dute data, eta gero eta atxikimendu gehiago biltzen ari da mobilizazioa. Indarkeria matxistaren aurkako borrokan, geltoki bat gehiago izango da apirilaren 9ko manifestazio nazionala, baina geltoki handia izatea nahi dute bertaratzeko deia egiten ari diren talde eta eragile feministek: mugarria.
Horregatik, gizon zein emakume, arazoaren larriaz ohartarazi eta Gasteizera deitu nahi dituzte, Tolosaldetik ere. Autobusa antolatu dute, eta 11:00etan irtengo da, Zizurkilgo plazatik. Manifestazioa, berriz, 13:00ean irtengo da Gasteizko Bilbao plazatik. Mobilizaziora autobusez bertaratu nahi dutenek, feministokprest.tolosaldea@gmail.com helbidera idatzi beharko dute mezua.