Abian jarri da Tolosaldeko Mankomunitateak antolatutako Birziklatu tentuz eta zentzuz kanpaina. Herritarrek hondakinak egoki sailkatzea da helburua, eta eskualdeko hainbat herritan izango dira ekimenak bultzatzen. Lehenengoak Amezketa eta Alegia izan dira. Gaur arratsaldean egin dituzte triziklo informazio puntu mugikorren dinamikak Amezketako Zumadi eskolan eta Alegiako San Juan eskolan, LHko 5. eta 6. mailako ikasleekin. Alegian herrian zehar ere izan dira trizikloak eta bertako dinamizatzaileak, herritarrek ere parte hartu zezaten.
Artelatz ingurumen zerbitzuak ari da kanpaina bideratzen herrietara. Bertako kidea den Miren Olibak azaldu duenez, trizikloen ekimenean «hiru panel daude, eta bakoitzean jolas bana dago. Panel bakoitza hondakin bilketako edukiontzi ezberdinekin lotuta dago. Ikasleekin landu dugu zalantzak argitzea eta jolasen bitartez ikustea zer botatzen den edukiontzi bakoitzean».
Ekimen hori, beti ere eguraldiak laguntzen badu, Zizurkil, Irura, Amasa-Villabona, Anoeta, Ibarra eta Asteasun egingo da. Tolosan, beste ekimen bat egingo da, puxiken informazio puntuarena eta lehenengo saioa larunbat honetan aurreikusten da.
Tolosaldeko Mankomunitatearen 'Birziklatu tentuz eta zentzuz' kanpaina martxan jarri da gaur, Amezketan eta Alegian.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!