Martxan da jada XIX. Aiztondo Pilota Topaketa. Aiztondoko Zerbitzuen Mankomunitateak eta bailarako herri parte hartzaileetako pilota taldeetako arduradunek bat eginik antolatu da topaketa.
Aurtengo ekitaldiak 133 pilotarik parte hartuko dute eta aurrebenjamin, benjamin, alebin, infantil eta neskak palaz alebin eta infantil mailan ariko dira.
Partidak igande goizetan jokatuko dira eta maila bakoitzak bere egoitza izango du: Alkizan aurrebenjaminek jokatuko dute, Asteasun alebinek, Zizurkilen infantilek, Villabonan benjaminak ariko dira eta Larraulen berriz neskak palaz. Adunako pilotalekuan obretan ari direnez, aurtengo ekitaldian ez da topaketako partidarik izango.
Aste santuetako bi igandean ezik, asteburuero izango dira pilota partidak eta finalak apirilaren 30ean larunbatez izango dira, arratsaldeko 16:00etan hasita Alkizako Pilotalekuan.