Zortzi fruta ezberdinez mozorrotuko dira aurtengoan. Anana, marrubia, mahatsa, sagarra, kiwia, platanoa, laranja eta sandia hautatu dituzte, "kolore askokoak direlako".
Begiraleek aipatu duten moduan, batzuetan "zaila" izaten da aukeratzea, baina aurtengoan asmatu dutela uste dute: "haurrei ideia gustatu zaie, mozorrok ikusi dituzte, eta hori esan digute".
Nabari da inauteriak gainean direla. Abenduaren 19an hasi ziren ibartarrak entseguekin, eta dagoeneko dantzaren azken zatia ikasten ari dira.