Aitzol Atutxa izan da lanak amaitzen lehena, Iñaki Azurmendiren aurretik. Nahiko erraz irabazi du bizkaitarrak, nahiz eta betealdia izan duela onartu. Joseba Otaegik ebaki du lehen enborra azkarren, baina jarraian Atutxak harrapatu du. Ondorengo enborretan biak parean ibili dira, baina bizkaitarrak tartea atera dionean, ezinezkoa izan da bere erritmoa jarraitzea. Amaieran, zizurkildarra hirugarren gelditu da.
Urrezko Aizkolarien Txapelketarekin batera, Urrezko Harri Jasotzaileena jokatu da. Hemen ere hiru herri kirolari aritu dira lehian. Izeta II.a izan da txapelduna, Jokin Eizmendi eta Izeta IV.aren aurretik.