Herritarrak izenarekin zerrenda bakarra aurkeztu da Baliarrainen gaurko udal hauteskundeetara. Olatz Iriarte, Ane Garmendia, Luis Lopez, Mikel Telleria eta Jokin Garmendia dira zerrendako kideak. Udal talde berriak 20 urtez alkate izan den Martzelino Dorronsorori hartuko dio lekukoa. 98 lagunek dute botoa emateko eskubidea, gaur, Baliarrainen. Ane Garmendia, Herritarrak zerrendako kideak nabarmendu duenez, "goiz osoan zehar jendea gerturatzen ari da eta oraingoz normaltasunez joan da eguna".
Normaltasunez zabaldu dira bozkalekuak gaur goizean Tolosaldean. Eguerdi partean gerturatu da jende gehien botoa ematera. Irudian, Tolosako Musika Eskolan kokatutako bozkalekua.
Eguerdiko 12:00ak aldera gerturatu da Olatz Peon Paper Eskolara botoa ematera. Ordu horretan jende ugari ibili da botoa ematen.
