ALEGIA
Azaroaren 25a, asteazkena
18:00. Alegian bizi diren emakumeen arteko harremanak sustatzeko egiten ari diren tailerraren bigarren saioa egingo dute.
19:30. Emakumeenganako Indarkeriaren Aurkako Nazioarteko Eguneko elkarretaratzea egingo dute plazan. Herritarrei dei egin diete, parte hartzera.
Amasa-Villabona
Azaroaren 25a, asteazkena
18:00. 45 minutuko mikro-bertso saioa izango da, Santiago egoitzako egoiliarrentzat.
19:00. Elkarretaratzea, udaletxe aurrean. Herritarrei parte hartzeko deia egin diete.
19:00etatik aurrera. Bi bertsolari ibiliko dira, zortzi tabernatan, 10 minutuko bertso saioak eskainiz. Kanturako gaia emakumeen aurkako indarkeria izango dute.
Anoeta
Azaroaren 25a, asteazkena
19:00. Emakumeenganako indarkeriaren aurkako elkarretaratzea, udaletxeko arkupeetan.
Ibarra
Azaroaren 25a, asteazkena
19:30. Elkarretaratzea, EH Bilduk deituta, Bekobide plazan.
Ikaztegieta
Azaroaren 25a, asteazkena
Goizez. Eskolan, tutore bakoitzak, bere gelan, Ez ikusiarena egin txostenean proposatutako ipuina irakurriko die ikasleei.
10:30. Eskolako ikasle guztiek 5 eta 6. mailako gelak bideo bat ikusiko dute: Ni un beso más a la fuerza. Ondoren, denen artean murala egingo dute, eta gurasoak ere gonbidatu egingo dituzte.
18:00. Genero indarkeriaren prebentzioa hitzaldia, pleno aretoan, Hirusta Kolektiboaren eskutik. Ondoren, elkarretaratzea egingo dute, eskolako haur eta gurasoek egindako muralarekin.
Tolosa
Azaroaren 25a, asteazkena
20:00. Elkarretaratzea udaletxe aurrean, Indarkeria sexistarik gabeko herri baten alde lelopean.
Azaroaren 27a, ostirala
20:30. Difret zine emanaldia, Leidor aretoan.
Azaroaren 28a, larunbata
12:00. Flashmob erraldoia, Trianguloa plazan, indarkeria matxistaren aurka. Maixa eta Ixiarren Emakume jaio nintzen abestiarekin egin beharreko dantza Youtuben dago ikusgai, ikasteko.
12:40. Jabetze eskolako batukada feministako kideek emanaldia eskainiko dute eta, bide batez, manifestazioa girotuko dute.
12:40. Bilgune Feministak deituta, manifestazioa, Trianguloa plazatik, Hau ez da gure bakea. Autodefentsa feministaz erantzun lelopean.
* Amurrion Beldur Barik topaketa izango da, eta autobusa antolatuko dute, Tolosatik.
Zizurkil
Azaroaren 27a, ostirala
19:30. Aizan talde feministak deituta eta, udalaren babesarekin, indarkeria matxistaren aurkako elkarretaratzea, Joxe Arregi plazan.