Urnietan elkartu ziren Gipuzkoako Odol Emaileen Elkarteko kideak eta odol emaileak, urtero egin ohi duten moduan odol emaileen artean medailak banatzeko. Gainera, bazkaria, bertsolariak eta txistulariak ere izan zituzten.
Bertan izan ziren eskualdetik joandako Villabonako, Tolosako, Ibarrako eta Berastegiko taldeetako odol emaileak ere, euren medailak jasotzen.
25 aldiz odola eman duten pertsonei zilarrezkoa ematen diete, 50 aldiz emandakoei urrezkoa eta 60 aldiz emandakoei kuadro bat. Eskualdean ere izan ziren kuadro hori jaso zutenak ere.
Honela, elkarteak odol emaileei egindako ekarpena eskertu nahi izaten die omenalditxo hau eginez. Izan ere, pertsona baten odol emateari esker, beste pertsona baten bizitza salbatu daiteke. Eta, beharrezkoa da gizarteak horren berri izatea eta aurrera begira ere odol emaile berriak gerturatzea odol ematera, beharrezkoa den odol hori izango dela ziurtatzeko.
