39. aldiz hartu zuen, Segurak, Euskal Herriko dantza txapelketa, joan den larunbatean. 14 bikote lehian aritzea espero zen arren, Mapi Egues eta Ane Zubelzu ibartarrek ez zuten, azkenean, parte hartzerik izan, gaixotasun bat medio; 13 bikoteren kemena ikusgai izan zen, beraz, Baratze pilotalekuko oholtzan.
Fandango eta arin-arin bana dantzatzea, ez da besterik. Ez da besterik, eta hori guztia da, hilabetetako lana baitu atzean, hiruzpalau minutuko probak. Horrela, azken urteotako lehiarik estuena izan da, puntuazioei begira jarriz gero. Puntuaziorik biribilera, ordea, altuena, Lierni Kamio billabonatarrak eta Iker Sanz lezotarrak eskuratu zuten, Euskal Herriko txapelketa irabaziz. Hunkituta jaso zituzten zegozkien sariak eta, bereziki, Nestor Basterretxea zenaren alabaren eskutik jasotako oroigarria; urtebetez Amasa-Villabonako udalean izango da.
Irura aldean ere izan zen irribarrerako arrazoirik, Xabier Artolak bigarren postua eskuratu baitzuen, bere lehen parte hartzean, Idoia Besada pasaitarrarekin batera. Guillermo Areizaga saria irabazi zuten, gainera, lehen aldiz parte hartu zuen bikote onena izateagatik. Urtarrilean hasi ziren bikote moduan, eta uda bikaina egin ondoren, Segurako hitzorduarekin biribildu dute denboraldia.
Eta, azkenik, Ibarrako zaleek ere oihu eta irrintziak izan zituzten nagusi, bi norabidetan. Batetik, Iratxe Lizarburu ibartarra eta Ibai Jimenez zaldibiarra animatu zituzten; bederatzigarren sailkatu ziren Seguran. Bide beretik, Izaro Urrestarazu eta Aimar Odriozola ibartarrak hamargarrenak izan ziren Euskal Herriko 39. dantza txapelketan.
SAILKAPEN OROKORRA:
|
1 |
Iker Sanz - Lierni Kamio |
LEZO-VILLABONA |
71,50 |
|
2 |
Xabier Artola - Idoia Besada |
IRURA-PASAIA |
70,75 |
|
3 |
Lander Campos - Haizea Hormaetxea |
SANTURTZI-LEIOA |
70,25 |
|
4 |
Amets Amubieta - Larraitz Larrañaga |
AZPEITIA |
67,00 |
|
5 |
Asier Ibarguren - Garazi Gurrutxaga |
AZPEITIA |
64,00 |
|
6 |
Manex Alberdi - Amaia Agirre |
OSINTXU |
58,50 |
|
7 |
Beñat Olano - Paula Gonzalez |
GASTEIZ |
54,00 |
|
8 |
Mikel Subinas - Maite Beobide |
AZPEITIA |
53,50 |
|
9 |
Ibai Jimenez - Iratxe Lizarburu |
ZALDIBIA-IBARRA |
52,00 |
|
10 |
Aimar Odriozola - Izaro Urrestarazu |
IBARRA |
50,50 |
|
11 |
Jon Ander Iriondo - Libe Lizaso |
AZPEITIA |
45,00 |
|
12 |
Beñat Urrutia - Manex Moreno |
SOPELA-LEITZA |
42,00 |
|
13 |
Pierre Latasa - Anais Zugarramurdy |
URRUÑA-D. LOHITZUNE |
41,00 |