Aitziber Ibarbiak zazpigarren amaitu zuen igandean Lantau 2 Peaks mendi lasterketa. 03:15:15eko denbora behar izan zuen zizurkildarrak Munduko Kopako laugarren proba amaitzeko. Yngvild Kaspersen norbegiarra izan zen 23,6 kilometroko ibilbidea amaitzen lehena, emakumeetan, 02:42:04ko denborarekin. Ibarbiak, Hassan Ait Chaouk bezala, Euskal Herriko Selekzioa ordezkatu zuen Hong Kong-en.
Gizonezkoetan 11. amaitu zuen Hassan Ait Chaouk. 02:35:12ko denbora behar izan zuen billabonatarrak ibilbidea osatzeko. Bonnet Remi suitzarra izan zen gizonezkoetan azkarrena, 02:14:07ko denborarekin.