Omenaldi beroa jaso du Marino Lejarretak

Jexux Murua 2015eko urriaren 5a
Deskargatu Info Ahotsak :
Español English Français Català Galego

Atzo, Ordizian Marino Lejarretari eskainitako omenaldian elkartu ziren errepideak utzita baina oraindik sasoiko dauden txirrindulariak. Ikaztegieta, Alegia, Amezketatik Larraitzerako bidean ikusteko aukera izan genuen profesional ohi andana, 150 guztira.

Batzuk aipatzearren, Marino Lejarreta bera, Chiapucchi eta Maximiano Lelli italiarrak; Fabio Parra Kolonbiarra; Joane Somarriba, Beloki anaiak, Leanizbarrutia, Gorospe anaiak, Roberto Laiseka, Patxi Vila euskaldunak; eta eskualdeko Abraham Olano, Balentin Dorronsoro, Iñaki Murua eta Josune Gorostidi.

Taldekako erlojuaren aurkakoa antolatu zuten, bosna laguneko 30 talde izan ziren, eta ikusi ahal izan zenenez, lehiatzeko grina ez dute galdu. 33 kilometroko ibilbidea osatu ostean, Laisekaren taldea izan zen azkarrena:

  1. Laiseka ……………………….. 0:51:25
  2. Orkli …………………………… 0:52:13
  3. Maximiliano Lelli …………. 0:53:24
  4. Joseba Beloki ……………….. 0:53:42
  5. La cicloturista ………………. 0:54:32
  6. Olano ………………………….. 0:54:46
  7. Chiapucchi …………………… 0:55:13
  8. Orbea …………………………… 0:55:13
  9. Pico Las Nieves ……………… 0:55:41
  10. Diaz Zabala …………………… 0:56:06

Argazki gehiago eta bideoa Goierriko hitzan

kirola

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!