Gipuzkoako Bertsolari Txapelketako laugarren final zortzireneko saioa da Elgoibarren jokatuko dena eta bertan irabazten duen bertsolariak final laurdenetarako zuzeneko sailkatzea lortuko du. Hain zuzen ere, urriaren 8an Eskoriatzan jokatuko den final laurdenetara egingo du, Unai Agirre, Lasarte-Oriako saioan irabazi zuen Beñat Lizaso, eta puntuazioaren arabera sailkatuko diren beste hiru bertsolarirekin.
Fase honetako saio guztietan bezala, binaka, gaia emanda aritu beharko dira, zortziko txikian, handian eta hamarreko txikian. Bakarka bi lan egin beharko dituzte bertsolariek, lehen puntua emanda bina bertso bota zortziko txikian eta gaia emanda, nahi den doinu eta neurrian, hiruna bertso, kartzelakoan.
Saiorako sarrerak www.bertsosarrerak.eus webgunean daude salgai. Gaztetxoen sarrera 4 euroan da, Bertsozale Elkarteko bazkideena 6 euroan, eta gainerakoena 9 euroan. Saioetako egunean sarrerak aretoetako leihatilan 16:00etatik aurrera jarriko dira salgai.