Australia, Kanada, Kolonbia, Finlandia, Mexiko, Nigeria, Kongoko Errepublika, Japon edota Taiwandik etorritako taldeak izango dira bertan. 255 euskal talde izango dira, horietatik 15 Tolosaldekoak.
Eskualdeari dagokionez, Tolosakoak izango dira talde gehienak, hamaika guztira. Horietatik zazpi Tolosa CF taldekoak dira, hiru Laskorain Ikastolakoak, eta beste bat Samaniego Ikastetxekoa.
Zizurkilek hiru talde izango ditu: Danena Kirol Elkarteko bi eta Pello Mari Otaño Herri Eskolako beste bat. Beste taldea Amasa-Villabonako Erniobea Ikastetxekoa da.
Partidak Zizurkilen
Gaurtik aurrera, ehunka haur bilduko ditu Zizurkilgo futbol zelaiak. Donosti Cup-eko partidak ikusi ahal izango diren eskualdeko futbol zelai bakarra izango da. Ostegunera bitarte, 35 neurketa jokatuko dira goizez nahiz arratsaldez.