Gipuzkoako bigarren mailako aizkora txapelketaren kanporaketa jardunaldia jokatuko da igandean Orion, herriko plazan, 12:00etan. Bertan ariko dira eskualdeko hiru aizkolari: Jon Irazu zizurkildarra; Jexuxmari Mujika ibartarra eta Jokin Alkizalete asteasuarra. Horiekin batera, Luis Mari Txapartegi eta Aitor Urteaga izango dira.Egin beharreko lana: 2 enbor 54 ontzako eta 2 enbor 60 ontzako moztea izango da. Lehenengo hiru denbora onenak Usurbilen, uztailak 4ean ospatuko den Gipuzkoako 2.mailako aizkora finalerako sailkatuko dira.
Bestalde, egun berean, 18:00etan, Gipuzkoako Taldekako Giza Proba Txapelketaren bigarren jardunaldia jokatuko da Errezilen. Aurtengo txapelketa lau jardunaldiz osatutako ligaxka moduan ospatzen ari dira; proba bakoitzean lortutako sailkapena kontutan hartuko delarik txapelduna erabakitzeko. Talde bakoitza osatzen duten zortzi kirolariak 660 kilotan sartu beharko dute eta 20 minutuz ariko dira lanean, 900-1000 kilo arteko harriarekin. Andutz (Itziar); Berrobi; TopeNatxiok (Mendaro) eta Tarinak (Deba) dabiltza lehian. Lehen jardunaldia berrobitarrek irabazi zuten.