Txapelketa osoa bezala, Tolosako Beotibar pilotalekuan jokatu dira San Joan Pilota Txapelketako finalak, lau t'erdian. Harmailek itsura polita erakutsi dute, eta kantxan, kadeteen finala izan da ikusgarriena. Beste bietan, irabazleak erraz nagusitu dira.
Arratsaldeko lehen finala kadeteen artekoa izan da. Zubizarreta askorentzat faborito zen, baina Arangurenek ederki jokatu du. Pilota bizi mugitu du usurbildarrak, eta Zubizarretan ez du bere jokoa nagusitzerik lortu. Hala eta guztiz ere, ataundarrak sakea hartzen zuenean, tantoa erraz amaitzen duela erakutsi du.
Aranguren:
Hurrengo finala promesa mailakoa izan da. Lasok izugarri jokatu du, eta hasi bezain pronto 22ra iritsi da. Errandoneak jokatu behar zuen finala, baina lesioa medio, bere lekuan Mitxelena aritu da. Ez du inondik inora Laso gelditzen asmatu.
Laso:
Elite mailakoa izan da jaialdiko azken finala. Santxo azken aldian bolada oso onean dago, ia txapelketa guztietan finalera iritsiz. Gaurkoan faboritoa bera zela pentsatzen zutenek, ezusteko aparta hartu dute. Beñat Urretabizkaia ikaztegietarrak pilota airean ibili du, eta Santxo erabat partidatik kanpo eduki du. Sakez 11 tanto lortu ditu Urretabizkaiak. Horri, usurbildarrak egindako falta bat gehitu behar zaio. Markagailuan 15-5 zihoazela, ikaztegietarrak kolpea hartu du besoan, kontra kantxan aulki baten ertza jo ondoren. Ez du ondorio larririk izan, eta berriro jokoa martxan jarri denean, Urretabizkaiak lehen bezala jarraitu du, tantoak pilatuz.
Urretabizkaia:
MARKAGAILUA:
Kadeteak
Aranguren 18
Zubizarreta 12
Promesak
Mitxelena 4
Laso 22
Eliteak
Urretabizkaia 22
Santxo 8