Eguerdian, hainbat herritako erraldoi eta buruhandien konpartsek kalejira egin zuten, dultzainero eta txistularien laguntzaz. Tartean ziren, besteak beste, Amasa-Villabonako eta Zizurkilgo konpartsak.
Miniestadioaren ondoan egindako kontzertu maratoian, berriz, jende ugari bildu zen, Lain, Glaukoma, Su Ta Gar, Ze Esatek edo Skakeitan bezalako taldeen ikuskizunaz gozatzeko. Hor ere, helburu guztiak bete zituztela azpimarratu zuten arduradunek.
Eguzkipean dantzan ibili zen jendea. Itzalpean, berriz, jende mordo batek deskantsurako edo bazkarirako aprobetxatu zituen baita lekurik txikienak ere. Ez zen izan, ordea, festa giro hori estaliko zuen aterperik.