Nekatuta, baina pozik. Horrela topatu zuen TOLOSALDEKO ATARIAk Beñat Sarasola ekitaldi nagusiaren ondoren. "Egun luzea izan da eta nekatuta gaude, karga fisikoagatik baino, karga emotiboagatik. Baina emankorra izan da. Inoiz ahaztuko ez dugun eguna izan da".
Eskualdeari dagokionez, helburuak "beteta" geratu direla dio Sarasolak: "Beti nahi izaten da gehiago, baino badugu horretarako denbora. Lehengo urteko giza katean adina jende edo gehiago lortu dugu".
Eta bihartik aurrera zer? Lehenengo, deskantsua behar dutela azpimarratu du tolosarrak: "Ordu asko sartu ditugu eta eskertuko dugu deskantsua. Eta etorkizun hurbilari begira, lehen erronka jende gehiago erakartzea izango da".