Bigarren fasean da Foru Aldundiaren aurrekontuko 2 milioi euro Tolosaldeko eskualdean zertan erabili erabakitzeko partaidetza prozesua. Bihar 19:00etan eskualdeko batzarra egingo da, egindako proposamenen artean 10 lehenesteko.
Guztira 160 jaso dira apirila eta maiatzean zehar, herrietan egin diren bilera irekietan. Horrekin batera, postontzietan eta internetez ere jaso dira ekarpenak. Proposamen guztiak aztertu dira baina horietako batzuk alde batera utzi dira. «Gaia Foru Aldundiaren eskumenekoa izatea eta eskualde izaera edukitzea ziren proposamenei eskatzen zitzaizkien bi baldintzak eta ekarpenetako batzuk ez dute bete», aipatu du Miren Arbelaitz Foru Aldundiko partaidetza teknikariak. «Beste batzuetan proposamenak elkartu egin dira, gai berari buruzkoak zirelako».
Beraz, 64 proposameneko zerrenda da gaurko bileran mahai gainean jarriko dena. Gaika sailkatu dira egitasmoak: berrikuntza, landa garapena, turismoa, ingurumena, kirola eta mugikortasuna, esate baterako. Memoria historikoa, berdintasuna, parte hartzea eta euskara atalean, adibidez, 28 kanala eta Ataria irratirako antenak jartzea da aurkeztutako proposamenetako bat.
Tolosaldeko 28 herrietako herritarren parte hartu ahal izango dute gaur arratsaldeko batzarrean. Tolosako kultur etxean egingo da eta aurkeztuko diren proposamen horietatik 10 lehenetsiko dira.
Ondoren, Foru Aldundiari hautatutako egitasmoen zerrenda bidaliko zaio, egitasmoen bideragarritasuna aztertzeko. «Proposamen bakoitzaren aurrekontua eta zehaztapen teknikoak jasoko dira txostenean».
Irailean, berriz ere eskualdeko herritarrekin bi bilera ireki egingo dira behin betiko proiektuak aukeratzeko.
Hauexek dira proiektu guztiak:
BERRIKUNTZA | ||||||||||||
1 | Brigada multizerbitzua, 50 urtetik gorakoei zuzendua | |||||||||||
2 | Ekintzailetasuna eta enpresa berrien sorrera sustatzeko pizgarri programa | |||||||||||
3 | Landa eremuko interes guneen kokalekua zehazteko tresna bat sortzea | |||||||||||
4 | Erosketak banatzeko zerbitzu itinerantea | |||||||||||
5 | Telekomunikazio sarea sortzea eskualde guztirako | |||||||||||
TURISMOA | ||||||||||||
6 | Tolosaldeako Ostatuak biziberritzeko plana | |||||||||||
7 | Turismoa sustatzeko ikus entzuneko erreportajeak | |||||||||||
8 | Tolosaldea Eraikitzen: Tolosaldeko herritarrak identifikatuko dituen marka bat eraikitzea | |||||||||||
LANDA GARAPENA | ||||||||||||
9 | Landa paisaia fundazioa sortzea | |||||||||||
10 | Eraikuntzan egurraren erabilpena bultzatzeko neurriak hartu udalen bidez | |||||||||||
11 | Baserri-bideen mantenua | |||||||||||
12 | Landa eremuko herri bideen konponketarako urteroko diru-laguntzaz gain, langabetuentzako programa bat bideratzea hori egiteko | |||||||||||
13 | Basoen zaintza bermatu | |||||||||||
14 | Landare inbaditzaileak ezabatzeko plana | |||||||||||
15 | Banku moduko bat egin herrietako baliabideak partekatu ahal izateko | |||||||||||
16 | Eskualdeko lurren inbentarioa egin, eskualdeko agroaldea bat sortze bidean | |||||||||||
17 | Sutarako edo berokuntza sistema jasangarrietarako produktua sortzen laguntzeko proiektua | |||||||||||
18 | Inguruko ondarea zaindu eta ikustaraztea | |||||||||||
19 | Azterketa bat egin Hernio-Gazumeren baliabide naturalak balioan jarri eta landa garapena sustatzeko | |||||||||||
20 | Lehen sektorea suspertu eta berrantolatzeko azterketa egin ingurumen eta ekonomiaren ikuspegitik | |||||||||||
21 | Elikagaien autogestio eta manipulazioa egiteko proiektu eta azpiegitura partekatua sortzea | |||||||||||
22 | Eskualdeko ekoizleen produktuak zuzenean saldu | |||||||||||
23 | Hernio-Gazume KBE-ri dedikatu dagoen Interpretazio zentroa lagundu | |||||||||||
OROIMEN HISTORIKOA, EUSKARA, BERDINTASUNA ETA PARTE HARTZEA | ||||||||||||
24 | Oroimen historikoa landu genero perspektibarekin | |||||||||||
25 | Eskolaz kanpoko ekintzak euskaraz sustatzea ikasle guztientzat | |||||||||||
26 | Etxeko lanetan eta zaintza lanetan ari diren emakume kanpotarren jabekuntza eta lan arloko babes juridikoa bermatzeko proiektua | |||||||||||
27 | Tolosaldea mailan emakumeen etxe bat sortzea | |||||||||||
28 | Emakumeen ahalduntzerako plan integral bat egiteko baliabideak jartzea | |||||||||||
29 | Indarkeria matxistaren prebentziorako plana edo programa bat landu nerabe eta gazteentzat | |||||||||||
30 | Landa eremuko emakumeen egoeraren inguruko diagnosia egin | |||||||||||
31 | Tolosaldean euskararen normalizazioan elkarlanean (Tolosaldea Garatzenen euskara zerbitzua) | |||||||||||
32 | 28 kanala eta Ataria irratiko antenak jartzea | |||||||||||
33 | Sormenetik: Azoka espazio moduan bizirik eta dinamiko mantentzeko kultur ekimenak sustatzea | |||||||||||
34 | Euskara irakasle ibiltaria | |||||||||||
35 | Tolosaldeko etorkinei zuzendutako plan bat egin eta garatzea, euskara ikasteari garrantzia berezia emanaz | |||||||||||
36 | Gazteen eta gazteekin hitanoaren erabilera indartzeko plana | |||||||||||
GIZARTE POLITIKA | ||||||||||||
37 | Mendekotasunak dituzten pertsonentzako laguntzak handitu | |||||||||||
38 | Saiaz mankomunitateko furgoneta berria erostea | |||||||||||
39 | Gizarteratzeko zailtasunak dituzten pertsonei laguntza | |||||||||||
KIROLA, KULTURA ETA GAZTERIA | ||||||||||||
40 | Tolosaldeako herri txikietako haur eta nerabeei zuzendutako proiektu edo programa bat sortzea aisialdia euskaraz izan dezaten | |||||||||||
41 | Belaunaldi artean dagoen etenaldia gainditzea | |||||||||||
42 | Herri txikietara egokitutako eskola kirola sustatzeko programa | |||||||||||
43 | Alegiako futbol zelaian belar artifiziala jartzea | |||||||||||
44 | Naturan, kirolaz bizi eta hezi proiektua | |||||||||||
45 | Adineko pertsonek gimnasia egiteko tresneria jartzea kalean, aire libreko gimnasio publikoak jarriz | |||||||||||
46 | Udal artxiboen saretzea | |||||||||||
47 | Kulturarako eskualdeko ekintza plana, lurralde oreka mantenduko duena eta kultur dinamizatzaileak herri txikietarako | |||||||||||
48 | Erreferentziazko kultur proiektu bat sortu eskualderako | |||||||||||
49 | Ondare historikoa berreskuratu eta aisiarako eta turismorako aprobetxatu. | |||||||||||
INGURUMENA ETA LURRALDE GARAPENA |
||||||||||||
50 | Eskualdeko hondakin organiko eta errefusaren transferentzia-planta | |||||||||||
51 | Hondakin organikoaren kudeaketarako 1go sektorearekin elkarlana | |||||||||||
52 | Kimaketa-hondakinenen kudeaketa | |||||||||||
53 | Eskualdeko energia planari jarraipena eman eta ekintzak abian jarri | |||||||||||
54 | Purinei irtenbidea eman | |||||||||||
55 | CO2n balantze positiboa duen nekazaritza eredu batetarako trantsizioa | |||||||||||
56 | Hondakinen lau edukiontziak berreskuratu | |||||||||||
57 | Hondakinen sortzaile bereziekin konpostajea landu | |||||||||||
58 | Ingurumen zaintzarako industria plan bat | |||||||||||
59 | Eraikin publikoen beroketarako biomasazko galdaraz ordezkatu gaurko sistemak | |||||||||||
MUGIKORTASUNA ETA BIDE AZPIEGITURA | ||||||||||||
60 | Tolosa-Azpeitia errepidea zabaltzea | |||||||||||
61 | Herri-guneetako abiadura moteltzeko neurriak | |||||||||||
62 | Landa eremuko bide azpiegituren mantentzea modu antolatu batean egin eta horretarako finantzaketa eredu berriak bilatu | |||||||||||
63 | Oinezkoen bideak egokitu, haien segurtasuna bermatzeko | |||||||||||
64 | Tolosaldeako bidegorri sarea osatzen joatea |