Horietatik sei eskualdekoak dira: Mikel Artola, Oihana Iguaran, Beñat Iguaran, Unai Mendizabal, Haritz Mujika eta Iñigo Gorostarzu. Larunbatean jokatu ziren azken bi saioak, eta Unai Mendizabalek goizeko saioa irabazi zuen.
Sailkatze fasean eskualdeko beste hiru bertsolari aritu dira: Imanol Irazustabarrena, Adur Gorostidi eta Txomin Azpiroz. Horiek ez dute lortu lehen fase honetan aurrera egitea. Bederatzi bertsolariak Harituz bertsozale elkarguneko kideak dira.
Larunbateko azken bi saioen aurretik, sailkapena lortua zuten Mikel Artolak, Oihana Iguaranek eta Beñat Iguaranek. Haritz Mujikak zain egon behar zuen lehian aritu behar zuten bertsolariek bere puntu kopuruak ez gainditzeko. 20. postuan zegoen sailkatuta, eta azkenean 25. bukatu du. Larunbatean Unai Mendizabalek, Iñigo Gorostarzuk eta Txomin Azpirozek parte hartu zuten goizeko saioan. Mendizabalek irabazi zuen eta berarekin batera Gorostarzuk ere beharrezko puntuak eskuratu zituen, sailkapeneko lehen 30 postuetan sartzeko.
Hain justu, 30 horiek duela lau urteko txapelketan sailkatze zuzena lortu zuten 13 bertsolariekin bat egingo dute, tartean Jexux Mari Irazu larrauldarra. Irailaren 20ean hasiko da Gipuzkoako Bertsolari Txapelketa.
Gipuzkoa Bertsotan amaituta, honako bertsolariek lortu dute Gipuzkoako Bertsolari Txapelketarako sailkatzea:
| BERTSOLARIA | GOIZA | ARRATSALDEA | OSOTARA | |
| 1 | Jon Maia Soria | 305,5 | 277,5 | 583,0 |
| 2 | Ander Lizarralde Jimeno | 333,5 | 247,0 | 580,5 |
| 3 | Mikel Artola Izagirre | 315,5 | 261,5 | 577,0 |
| 4 | Unai Muñoa Amundarain | 298,5 | 278,0 | 576,5 |
| 5 | Asier Azpiroz Iztueta | 319,0 | 250,0 | 569,0 |
| 6 | Haritz Casabal Pikabea | 300,5 | 268,5 | 569,0 |
| 7 | Ibai Esoain Arruti | 321,0 | 245,0 | 566,0 |
| 8 | Iñaki Gurrutxaga Zubimendi | 304,5 | 258,5 | 563,0 |
| 9 | Oihana Iguaran Barandiaran | 304,0 | 258,5 | 562,5 |
| 10 | Gorka Azkarate Torner | 324,0 | 237,5 | 561,5 |
| 11 | Arkaitz Oiartzabal Agirre | 307,5 | 253,0 | 560,5 |
| 12 | Beñat Iguaran Amondarain | 313,0 | 247,0 | 560,0 |
| 13 | Ane Labaka Mayoz | 309,0 | 250,0 | 559,0 |
| 14 | Nahikari Gabilondo Mendizabal | 315,5 | 237,0 | 552,5 |
| 15 | Xabier Sukia Etxeberria | 292,5 | 258,5 | 551,0 |
| 16 | Manex Mujika Amunarriz | 276,0 | 270,5 | 546,5 |
| 17 | Aratz Igartzabal Bidegain | 291,0 | 254,5 | 545,5 |
| 18 | Gemma Urteaga Garmendia | 297,0 | 247,0 | 544,0 |
| 19 | Unai Gaztelumendi Arandia | 300,0 | 244,0 | 544,0 |
| 20 | Egoitz Eizagirre Aduriz | 292,5 | 250,0 | 542,5 |
| 21 | Manu Goiogana Bengoetxea | 290,5 | 250,5 | 541,0 |
| 22 | Maider Arregi Markuleta | 298,5 | 242,5 | 541,0 |
| 23 | Unai Mendizabal Jauregi | 312,0 | 227,5 | 539,5 |
| 24 | Eli Pagola Apezetxea | 301,0 | 237,0 | 538,0 |
| 25 | Haritz Mujika Lasa | 279,5 | 258,5 | 538,0 |
| 26 | Amaia Iturriotz Etxaniz | 291,5 | 246,0 | 537,5 |
| 27 | Aitor Irastortza Fadrique | 292,5 | 241,5 | 534,0 |
| 28 | Iñigo Gorostarzu Etxebeste | 292,5 | 240,0 | 532,5 |
| 29 | Eneritz Artetxe Eizagirre | 296,5 | 235,5 | 532,0 |
| 30 | Antton Fernandez Lasa | 293,0 | 236,5 | 529,5 |