Tolosako Zerkausian egin dute topaketa, eta mailaka banatu ostean, gai ezberdinak jorratu dituzte tailerretan. Txikienek, adibidez, jolasen bidez mugikortasuna landu dute. Beste batzuk zirkuitu bati bueltak ematen ibili dira, begiak tapatuta, ikusi ezin duen pertsona baten sentsazioa ezagutzeko. Zaharrenek, berriz, petrolioaren menpekotasunaz hitz egin dute. Horretarako Fracking Ez! plataformako kideen hitzaldia izan dute.
Ondoren, taldeka egin dituzten hausnarketa horietan ateratako ondorioak partekatu eta kartel ezberdinak egin eta kalera begira zintzilikatu dituzte. Amaitzeko, hamaiketakoa egin dute ikasle eta irakasleek. Txokolate beroa dastatzeko aukera izan dute.