Pello Zubiriak 2014an Gipuzkoan bildutako errefus kantitatearen inguruko analisia egin du Argian. Horretarako, ehunekoen tasaz gain, herriz herri, biztanleko eta urteko herri batek uzten duen errefus kilo kopurua aztertu ditu.
Analisian aipatzen denez, gipuzkoar bakoitzak 232 kilo errefus entregatu ditu batez beste. Debagoiendarrak (144 kilo) eta Sasietako Mankomunitatekoak (163 kilo) izan dira gutxien utzi dutenak. Tolosaldea laugarren da zerrenda horretan, batez beste, 234 kilorekin. Txingudiko Mankomunitatea da errefus kopuru gehien utzi duena, 353 kilorekin.
Herrika, Alegia eta Ikaztegietak dituzte daturik onenak: urtean biztanle bakoitzak hamar kilo uzten baititu bi herri horietan. Iruran eta Anoetan, hamabost kilo entregatzen dituzte, Zizurkilen eta Ibarran 26, eta Amasa-Villabonan 46.
Birziklapen tasa
Infografia: Asier Iturralde Sarasola (@aldatsa)
Datu geografikoak: Euskalgeon oinarrituta