Amezketan, esaterako, udalak eskainitako hamaiketako oparoa hartu dute San Martinen.
Orendainen, bazkaltzeko elkartu dira. Gazte baserritarrak badiren arren herrian, San Isidro eguna ospatzeko ohiturei ez die eutsi eta helduei erreleboa falta zaie. Urtetik urtera beherantz doa ospakizunetan parte hartzen duen jendea.
Zizurkilen herri kirolek hartu dute protagonismoa. Aimar Irigoien errezildarra aritu da alde batetik eta 125 kiloko harriak erabili ditu. Ondoren, aizkoran Jon Rekondo eta herriko Joseba Otaegi, Xabier Orbegozo (Arria V) eta bertako Jon Irazuren aurka aritu dira.
Asteasun berriz, erakustaldia izan da probalekuan. 20 minutuko saioetan, Joxe Barriolaren eta Itxaso Arrutiren idi pareak jardun dute 1.200 kiloko harriarekin.