"Tolosaldeko sozialistek eskualdeko garapen ekonomikoarekin duten konpromisoari jarraituz, Zapateroren gobernuarekin izan zituzten harremanen ondorioa da Lehiberri zentroa", Itxasoren ustez.
Bere hizketaldian diputatugai sozialistak Tolosak kulturarekiko duen lotura nabarmendu du: "Gipuzkoa osoarentzat erreferentzialak dira txotxongiloen jaialdia, abesbatzena edota bertako iñauteriak".
Bide batez, azkeneko lau urteetan EAJren jarduteko era kritikatu du Itxasok. "Legealdi hasieran gurekin bat egin eta gobernu alternatiboa osatzeko aukera izan zuten jeltzaleek eta ez zuten nahi izan. Horren ondorioa da, krisiari aurre egiteko alternatibarik eza, gazteek bizi duten prekarietatea edota hondakinekin sortu den zalaparta".