Lehen zatian hartu du abantaila Laskorainek, atsedenaldira 5-1eko emaitzarekin joatean. Bigarren zatian, ordea, billabonatarrak gehiago izan dira, eta markagailua ederki estutzea lortu dute, 5-3 jarriz. Bi minuturen faltan atezain jokalariarekin hasi dira jokatzen Egintzakoak, baina ez dute euren helburua lortu. 6-3ko gola, horitxoek sartu dute azken segundoan.
Liga amaitzeko bi partida falta dira orain, eta Laskorainek badaki lehen postuan amaituko duela, ondorioz, igoera kanporaketa prestatzen ari dira tolosarrak.
Partida amaiera ospakizunen hasiera izan da. Familia argazkiaren ondoren, taldeko jokalari ohi eta lagunekin afaria egingo dute Laskorain Ikastolakoek.