Zornotzako Duatloia irabazi du Aitor Regillagak, bi ordu, bederatzi minutu eta bederatzi segundoko denborarekin. Tolosarrak lehia gogorra eta polita eduki zuen Beñat Arnaizekin, azken metroetarainokoa. Amaieran, Regillagak lau segundo bakarrik atera zizkion bigarrenari.
Bestalde, Itsaso Leundak Talai Bidean parte hartu zuen igandean. Proba horretan, Donostia eta Hondarribia lotzen dituzte parte hartzaileek. Guztira 507 korrikalarik parte hartu zuten lehian, eta irabazleetako bat Itsaso Leunda izan zen. 30,8 kilometroko trail-a egiten, Leundak bi ordu, 52 minutu eta 22 segundo behar izan zituen.
Talai Bidean eguraldiak zeresana eman zuen. Ibilbidean hotza eta euria nagusitu ziren, eta lokazti ederrean ibili behar izan zuten parte hartzaileek.