15:30ean hartuko dute irteera txirrindulariek. Tolosara abiatuko dira lehenik, eta Alegia eta Ikaztegieta pasa ondoren, Ordiziaraino joango dira. Itzuleran, Altzotik hiru bider pasa beharko dute, eta Leaburuko gainetik, behin. Hain zuzen ere, hor egongo da probako gakoa. Helmugara iritsi aurretik igo beharko duten azken malda Altzokoa izango da.
Lasterketa Lizartzako Otsabio Kirol Elkarteak antolatzen du, udalaren laguntzarekin, eta aurtengoa 27. edizioa izango da.
Alebinak eta infantilak
Larunbateko beste lasterketa Amarozko Usabalgo Industrigunean izango da. Kasu horretan, alebinak eta infantilak ibiliko dira bizikletaren gainean, Oriako Txirrindulari Eskolak antolatuta. Proba 16:30ean hasiko da, eta irteera nahiz helmuga Limousin Kartoiak lantegiaren aurrean izango da.