Ataria Pilota Txapelketaren lehen edizioa martxan da. Hitza Txapelketaren lekukoa hartuko du I. Ataria Txapelketak. Lau mailatan ariko dira pilotariak: aurre benjaminetan, benjaminetan, alebinetan eta infantiletan.
Eskuz, izena ematen duten neska-mutilek nahasian jokatu beharko dute lau maila horietan. Palaz, aldiz, neska alebinak eta infantilak bakarrik ariko dira. Palaz ibiltzeko izena ematen duenak, ezin izango du eskuz ibili, eta alderantziz.
Izena emateko epea martxoaren 15ean, igandean, amaituko da. Tolosaldeko herrietan bizi edo bertako pilota eskoletan dabiltzan gaztetxoentzat izango da binakako txapelketa.
Eskualdeko pilota elkarteek eta Tolosaldeko Ataria-k antolatu dute txapelketa, elkarlanean.