Juaristik jarritako loteetatik desberdintasun nabarmena dutenak aukeratu dituzte. Bengoetxeak eta Aretxabaletak frontisean irteera gutxiagoko eta lurrean azpitik ibiltzen diren pilotak aukeratu dituzte (104,4/104,1 eta 104,8 pisatu dute). Iñaki Artola alegitarrak eta Jon Ander Albisuk bote luzeagoko eta karga gehiagoko pilotak aukeratu dituzte; ez dira biziegiak hala ere, bere ezaugarriak ondo baliatzeko aproposak baizik (105,6 / 106,5 eta 105,4 pisatu dute).
Aukeraketa berean Asteartitako partidako pilotak ere aukeratu dituzte. Xala eta Merino II.ak frontisetik gertu aritzeko pilotak hautatu dituzte, eta Rezustak (bakarrik etorri da) atzeko jokoa egitekoak. Pisuak: lehenek 105,2 / 104 eta 104,4 eta bigarrenek 105,8 / 105,3 eta 106,2.