Tolosaldea Garatzen-Lehiberrik, ingurunean dauden nekazaritzako elikagaien sektoreko enpresei zuzendutako jardunaldi informatiboa antolatu du etzirako, urtarrilak 15. Ekitaldi hori sektore horren nazioartekotasuna sustatzeko martxan jarri den Kimuberri programaren barruan kokatzen da, eta Gipuzkoako Foru Aldundiak babesten du.
Bertan, Kimuberri proiektuaren lerro garrantzitsuenak, orain arte egin den lanaren laburpena eta etorkizunera begira egingo diren ekimenei buruz hitz egingo da. Era berean, esportazioan arrakasta izan duten sektoreko bi enpresek Angulas Aguinagak eta Lurlanek, beraien esperientzia kontatuko dute eta baita kanpo merkatuetan onartuak izateko gakoak zeintzuk diren ere.
Jardunaldia 09:00etatik 10:30era izango da. Izena emateko Lehiberri Zentroarekin jarri behar da harremanetan, 943 654 501 zenbakian edo lehiberri@lehiberri.net helbidean.
Kimuberri proiektua eta arrakasta duten bi enpresen esperientziak azalduko dira bertan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!