Tolosako Elkartasun Krosean 16:45ean abiatu dira korrikalariak Zerkausitik. 700 partaidetik gora urtea korrika amaitu badute ere, bik jantzi dute txapela. Gizonezkoetan Ander Ortizek zeharkatu du lehen postuan helmugan eta emakumezkoetan beste horrenbeste egin du Oihane Vazquezek.
Nagusienen podium-a beraz, horrela geratu da nesken mailan. Lehen postuan, esan bezala, Oihane Vazquez (19.08) iritsi da eta bere atzetik Maria Lasa (19.32) eta Nerea Murua (19.50), bigarren eta hirugarren postuan hurrenez hurren. Laugarren Eneida Saldias (20.07) eta bosgarren Izaro Perurena (20.40) izan dira. Gizonezkoetan, Orixek antolatutako XVII. Elkartasun Kros honetan, Zerkausiko podiumera ondorengoak igo dira, lehen postutik hasita bosgarren postura bitartean: Ander Ortiz (15.37), Aitor Regillaga (15.45), Unai Señoran (16.02), Iker Manso (16.32) eta Enrique Piedra (16.39).
Tolosako kaleak lasterkariak ikusteko harmailak bilakatu dira gaurkoan. Lasterketa eta elkartasunaz gain, festa ere izan da gaurko krosa. Mozorro bat baino gehiago ikusi dira partaideen artean; horrela, Tolosako kaleetan korrika Nicolas txikia ikusi dugu, kabareterak, Olentzero, Txanogorritxu, txakurkroseko korrilakariak, 'kotxe eskobak'...
Villabona eta Zizurkildik pasatzen den XXXI. Urte Zaharreko krosean 660 pertsonek hartu dute parte. Proba nagusian lehen gizona Tasio Gomez izan da eta lehen emakumezkoa Lurdes Colomo. Beteranoetan Ibon Gonzalez eta Pili Bodegas izan ziren lehenak.
Sailkapena:
Proba nagusia:
Mutilak: Tasio Gomez, Iker Beristain eta Ibon Gonzalez
Neskak:Lurdes Colomo, Pili Bodegas eta Sonia Muñoz
Herriko lehen mutila:
Iker Beristain
Herriko lehen neska:
Lurdes Colomo
Benjaminak (8-9 urte)
Ander Seara
Maren Goia
Alebinak (10-11 urte)
Aitor Elola
Maddi Elizasu
Infantilak (12-13 urte)
Markel Pita
Irati Sarasola
Kadeteak (14-15 urte)
Alex Alvarez
Aroa Arteaga
Jubenilak (16-17 urte)
Jon Beldarrain
Ane Galarza
Beteranoak
Ibon Gonzalez
Pili Bodegas